Axenda

Proxección: “Funes, o inventor da lúa”.

Teatro da Beneficencia, 20:30 h.

O director coruñés, de raíces orteganas, dirixe este documental biográfico sobre o inventor  Eugenio  Funes, que tras ser unha das pezas fundamentais na carreira espacial e na conquista da Lúa,  finalizou os seus días dramaticamente nunha autocaravana na súa Galicia natal.
Este proxecto xorde polo descoñecemento que se ten de Funes, un galego da comarca de Quiroga, de principios do século XX, obsesionado coa ciencia e a física. Un inventor puro que abandonou todo para cumprir o seu soño, ir aos Estados Unidos a traballar na NASA. Alí levou a cabo o maior invento da súa vida, e un dos máis importantes da historia da humanidade, o retilador, que fixo que o Proxecto Apolo fose un éxito. O documental mestura gravacións de finais dos anos 60 en Estados Unidos, da NASA, recreacións dos inventos, entrevistas con familiares e amigos de Funes...unha mestura de formatos cinematográficos, acompañados de testemuños sorprendentes que deron como resultado un traballo minucioso ao redor dunha biografía extraordinaria.